تعرّف على شخصيتك خلال العاصفة

السجين

 بينما ينعم بعض الأزواج بالرومانسية والدلال خلال العاصفة وبيتمنوا إنو كل يوم يكون في منخفض، البعض الآخر تتوتر علاقتهم! فرغم حبهم لبعض يصابوا بحالة نفسية تسبب لهم الارتباك لتواجد نفس الشخص أمامهم صباحا ومساء من دون   استراحة وبلا مفر. فيشعرون أنهم سجناء وببلشوا بتفششوا ببعض ويعيدوا النظر بعلاقتهم، وبتمضي العاصفة وكل واحد قاعد بزاوية، علما أنو بعد يوم من مرور العاصفة بيرجعوا عشاق عن جديد

مساحة”- تيريز سليمان”

الكييف

أصبح الأمر واضح إنو وصول العاصفة معناه حلول موسم العزايم والضيافة والكرم العربي الأصيل. وراحت عليه اللي عايش بعمارة عيلة! بالأحرى بيعتمد اذا كنت العازم ولا المعزوم.بس بكل الأحوال بدل ما توفر عحالك قرشين بقعدة البيت بتطلع عراسك وبتصرف كأنك سافرت على شرم الشيخ لمدة اسبوع

لكن هذا النوع من الأشخاص ما بفكر بالمصاري مش لأنه معاه فائض، لكن لأنه متل ما بقول المغني انشاء الله عمرنا المصاري، ما عاد في أصلا مصاري، يلعن أبو المصاري

دعوة ع العشا” -كلنا سوا”

المفكّر العميق

أما البعض الآخر فيستغل القعدة بالبيت لإطلاق المواهب بالكتابة والقراءة. فبيحبس حاله بغرفته وبينفرد مع نفسه ليفكّر  بشاعرية المشهد . وبالرغم من انعدام المهارات الاجتماعية لدى هذا النوع من الأشخاص وغض النظر عن جوهم الكئيب، يجب تقديرهم لإنتاجيتهم في ظل ظروف تقمع كل محاولات تصدي الكسل

لمّا تشتي”- فرقة رم”